الخيانه في طبعهم و الحقد و الغل عمره ما يروح من دمهم ..

بقلم : الدكتورة عبير المعداوي

بلدنا مستقرة بس الخونه بيلعبوا لصالح اللي النار بتاكله .. يعني الحرب بالوكاله .. الغاز و ترسيم الحدود و المؤتمر العالمي اللي سيحدث ثورة هائلة في ميزان حسابات العالم عن دور مصر الاستراتيجي المحرك للنظام العالمي الدولي ..
كل ده زعل ناس ..و زعلهم اننا رايحين نفتتح جمهورية مصر الجديدة قريبا و معها العاصمة الادارية الجديدة و و معها ٢٢ مدينه جديدة على نظم تكنولوجيه الجيل الرابع و الخامس و معهم فوق ١٧ مصنع عملاق في مختلف الصناعات الدقيقه الهامة الاستراتيجيه
من الغاز المسال للرمال السوداء للقطن المصري للسيارات للادويه للطاقه الكهروضوئية و الكهرومغناطيسية و غيرهم ..
مصر انتقلت للمرحلة الثانية الاهم بعد استقرار الاوضاع في البنيه التحتيه و حياة كريمة دخلت الصعيد و الدلتا و باعتراف العالم ده اكبر مشروع عالمي لنهضة القرى والمدن..و ازاحة الفقر عن المواطنين ..خلصنا اكبر شبكة طرق و محاور في العالم ..خلصنا مشكلة العشوائية و خلصنا مشكلة فيروس سي و قوائم الانتظار و انشائها عشرات المستشفيات والمراكز الصحية على مستوى الجمهوريه ..
و بنشتغل على النهر الثاني و الدلتا الجديدة من الغرب و من الشرق اكبر مشاريع التنمية في سيناء
..مصر بتعمل نهضه و تنميه حقيقيه مش مجرد كلام ..فاكرين السكة الحديد و المترو ..
احنا بنبني و ليس عندنا وقت نلتفت للهرتله من اي جانب ..
الاعمى بس اللي ممكن يقول لك يحدث نهضه في مصر بس كمان اعرف ان لكل شيء ثمن ..مصر بناها دم الشهداء اللي مستمر لحد دلوقتي ..لو رضخت لكلام الاعداء اللي بالمناسبه قاعدين في بريطانيا و تركيا و امريكا و ان طلبت منهم يرجعوا عمرهم ما يعملوا كده ..هنا باعوا مصر الف مرة و انت نفسك باعوك و اخذوا عليك كتير يا ترى لسه عاوز تمكنهم منك تاني ..
فكروا ..فكروا كويس ..اللي بيبني بيت عارف و فاهم ان الصبر مطلوب و احنا وعدناه نقف معاه لحد ما مصر اقف على رجليها ..و مش ذنبه يحاربوك و يقطعوا عنك الخير ..و يبعتوا لك كورونا تنهش اقتصادك ..و بعدين تنفجر حرب روسيا و بعدين يجي بتاع امريكا يرفع فايدته عشان نفسه و مش مهم مين يموت في العالم .. كل ده مش ذنب الرئيس و لا الادارة ..
الدعوات دي عشان متغاظين من تقدم بلدنا و استقرارها و اننا قدرنا نهزمهم في اكتر من موقعه ..
فكروا كويس قبل ما تسمع كلام خاين ..
و بلاش تجرح حد حبك من قلبه و قدم روحه عشان انت تعيش و تكمل حياتك
افتكروا اخوتنا و اولادنا الشهداء و افتكروا الرئيس الوحيد اللي قدم راتبه و ثروته للبلد و ما يقدمه هو و اسرته لوجه الله كتير بس لا يعلن عنه ..
بلاش تكون دي كلمة شكرا..
و اللي عاوز حوار وطني و عودة الخونه ..ايه الدليل انهم عاوزين اصلاح و صلاح مصر ..الحكاية لسه لم تنتهي و الشعب واقف مع جيشه و شرطته و رئيسه و الكلمة الاخيرة هي نصر مصر على كل اهل الشر
تحيا مصر